Tələbələr üçün təlimat

1. Qeydiyyatdan keçin.

Ana səhifədəki "Qeydiyyat" düyməsinə basın və tələbə kimi qeydiyyatı seçin. Ad, soyad, e-poçt ünvanınızı və şifrənizi daxil edin. E-poçtunuza bir təsdiq kodu göndəriləcək — həmin kodu daxil edərək hesabınızı təsdiqləyin. Bundan sonra hesabınız aktivdir və sistemə daxil ola bilərsiniz.

2. İmtahana qoşulun

İmtahan qoşulmaq iki metodla mümkündür:

• Kodla qoşulma: müəlliminiz sizə 8 rəqəmdən ibarət bir imtahan kodu verəcək (məsələn: 48213705). Sistemə daxil olduqdan sonra "İmtahana qoşul" bölməsində bu kodu yazın. Kod düzgündürsə, imtahan haqqında məlumat açılacaq: imtahanın adı, sual sayı, müddəti və (əgər varsa) qiyməti.
• Siyahıdan seç: sistemə daxil olduqdan sonra "İmtahana qoşul" bölməsində "İmtahanlar" siyahısından istədiyiniz imtahanı seçərək tələb olunan ödənişi etməklə imtahan qoşulacaqsınız.

3. Ödəniş edin (əgər tələb olunursa)

Bəzi imtahanlar ödənişlidir, bəziləri ödənişsiz. Əgər imtahan ödənişlidirsə, "Ödə və qoşul" düyməsinə basın. Kart məlumatlarınızı daxil edərək təhlükəsiz ödənişi tamamlayın. Ödəniş uğurlu olduqda imtahana giriş açılır. Ödənişsiz imtahanlarda birbaşa başlaya bilərsiniz.

4. İmtahana başlayın

"İmtahana başla" düyməsinə basdıqda vaxt işə düşür və geri sayım başlayır. Sualları bir-bir cavablayın. Verdiyiniz cavablar avtomatik olaraq yadda saxlanılır — heç bir düyməyə basmağa ehtiyac yoxdur. İnternet bağlantınız kəsilsə belə, cavablarınız cihazınızda qorunur və bağlantı qayıdanda göndərilir.

5. İmtahanı təhvil verin

Bütün sualları cavabladıqdan sonra "Təhvil ver" düyməsinə basın. Əgər vaxt bitərsə, imtahan avtomatik təhvil verilir. Təhvildən sonra cavablarınız qiymətləndirilir.

6. Nəticənizə baxın

İmtahan bitən kimi nəticəniz göstərilir:

• Hər fənn üzrə neçə düzgün, yanlış və boş cavabınız olduğu;
• Topladığınız ümumi bal;
• Hər sualın düzgün cavabı (əgər müəllim bunu açıq qoyubsa).

Nəticələrinizi istənilən vaxt "Nəticələrim" bölməsində yenidən görə bilərsiniz.